大市 ‧ 2007年9月26日

自筆者上一次港股下調時，同大家指出會見底起，大市幾乎升唔停，期間筆者有機會就叫大家有正貨就繼續煲，做淡就點都唔應該。結果至今如果堅持既話就和味了。

大市升到家下真係差唔多架啦。筆者認為要去到盡既，可以繼續煲手上正貨，估計大市重可以顛到去黃金週，「資金自由行」。期指淡友早就放棄今個月轉落下月反咬好友一口。十月初步，淡友應該會先行讓路，大方地等大家再行炒到不易樂乎，然後佢地先至正式上場做世界，所以十月份有危險，都係小心D好。