以家下恆指既 acceleration，再去既話，恆指要報：∞
恆指上望30,000點好未？重有1,500點升幅。若然真係升到30,000點，跟住既調整會有幾多呢？3,000點都唔係過份，唔難想像 (最近個裂口都響26,000點水平)，即係用起碼3,000點搏1,500點？冇理由咁做丫。
今日成交好有機會去到2,000億，黎個對筆者黎講係見頂訊號(要強調係對筆者黎講)。加上匯控都行埋，對筆者黎講，亦係收工訊號。
家下要人同你接火棒，唔係抽高，而係等人「趁低吸納」。
「自由行資金」既聰明錢該會提早收工，淨低既瘋狂錢會點樣炒得起個市，筆者唔知，但係唔會參與，因為筆者唔鐘意持股有壓力。
重有眼前太多唔明朗因素，可以令個市再大升既理由有，大跌既都有。筆者持股信心大減。
基於種種原因，筆者認為係時候續步減持...
D財經分析員會講「升市莫估頂」，「市場資金充裕」，筆者唔敢阻人發達。又正如老曹話齋，你以為去到22樓已到頂，但係層樓其實有88層。
反過黎諗，你以為22樓未到頂，點知層樓其實得20層，你係響天台跳彈床，彈到兩層樓高，落得番天台已沫一額汗，唔好彩跌落街點算呢？唔係話老曹講錯，而係黎類理論Practise起上黎，其實叫人無所適從。以藍籌股黎講，係真係冇頂，自有股票市場以黎，指數係不斷創新高，但係咁代唔代表永遠唔放手上既股票呢？
沒有留言:
發佈留言