淡淡美市(一)

美國星期二大市大升319點。除了油價下跌及Walmart業績理想，唔少得高盛等所發表之言論令投資者重新振作。當日美林開show，高盛CEO聲稱：「the bank has a short position in the subprime mortgage market and won’t be taking any significant charges to write off losses.」「大大減低」投資者對次按問題將繼續擴闊之憂慮。JP Morgan Chase CEO一句：「I think we're fine.」投資者甚感窩心。

匯控當初於2007年2月，業績公告前發出盈利警告，讓全世界首次意識次按問題，並先知先覺為次按大額撥備，是為全球最有良心既銀行。各美國大行好似冇份咁，各方還勁掐匯控，其可恥之處，難以言喻。當一眾美國金融巨頭跳舞狂歡之後，匯豐於其業績報告，明示美國經濟前景暗淡，信貸市場惡化，地產市道衰退等。其中令人擔憂既係住宅物業價格持續下跌，拖欠貸款既個案增加。需要為信用咭貸款撥備。CDO方面的確受控，但問題早已深化之另一個層面。本網誌既支持者對匯控所提及既，應該唔感到陌生，筆者早前向大家分享睇淡美股既原因，就正正係黎D。再有匯控引證，筆者唔驚唔得。果班厚顏無恥既大行發偉論，筆者聽唔入耳。

昨日道指跌76點，筆者認為係出於知機既聰明錢走人所致。