中國幹了漂亮的一場

美國行弱美元政策，筆者讚同林森池先生之睇法，減息幫唔到次按問題，美國目的只係想令美元變弱。美元走弱，除了幫助出口外，骨子裏係想商品價格及油價上升，令發展中既中國不勝負荷，迫使人民幣升值。(成件事既前奏，唔少得我國拋售美國債券，然後有人發皮四，要頒獎畀達賴喇嘛，搵幾丁友出黎話支持台灣入聯合國。)

中國人孫子兵法博大精深，借力打力；成思危出口術話中國外匯儲備應利用強勢貨幣升值，來彌補弱勢貨幣的貶值，令人聯想中國要拋售美元資產。美國要美元貶值，我國來幫你一把，弱上加弱，力度非同少可，讓你美元弱到變草紙都重可以。油組峰會中，伊朗總統艾哈邁迪內賈德提出，建議停止使用美元。弱美元政策得逞只因全球市場主要以美元作結算。若各國改用歐羅，或將來如羅傑斯所預期使用明日之星：人民幣，美國就大鑊，再行弱美元政策就死梗。

美國心知不妙，美國總統喬治布殊重申強美元政策。Good boy，good boy，well behave，咁咪乖lor，中國獎番你，中國人民銀行行長助理易綱澄清說，美元依然是中國外匯儲備中的主要貨幣。

美國既朋友門，唔好攪咁多野啦，畀心機攪好次按問題所帶出既更大鑊經濟Crisis重好啦，for crisis sake！