維持看淡，將要完成第三步減持

很多人嚷著：「大量資金流入，睇港匯就知啦！」

但筆者問，果D錢流左去邊呢？點解同業拆息反而下跌，點解大市成交反而下跌呢？

大市今日升番1,003點，部份分析員非常得戚。但始終無改筆者想法。對筆者黎講今日係基於散戶吸納有功，當然大戶都有加番些少注黎推波助瀾。

淡友忍到今日都未出過手... 佢地傻左？唔見左？定係打緊D咩算盤呢？

即月期指今日成交張數70,864，照好友及分析員們既睇法，邊D傻佬重走去同好友對賭呢？而且整日處於低水，收市後半個鐘才炒至高水105點。

家下個市非常耐人尋味。

上次ADR果野發生得太短暫，沽唔夠貨，聽日應該可以完成埋第三步減持。筆者提過，黎D市況，升市、創新高先沽貨。而且即使睇淡，但都唔應該做淡住，即Put輪、沽期指、或沽空等。