由於市場上實在太多意見,筆者頭都暈,昨晚才想起:「不如都係睇下幅圖有咩啟示。」一研究就研天光。好耐都冇出過既「圖表分析實戰」,終於再次同大家見面。

十月份MACD並冇出現背馳,但卻出現「熊差離」(見[5]),第一個Alert出現了,要開始步步為營。其實直至昨日才出現第一個「預沽訊號」:「牛熊沽貨訊號」(見[4])。 黎個係MACD既初次警示訊號,並未確認為利淡,響黎個位沽出有機會反應過快(見圖MACD於五月期間出現了長時間糾纏),甚至會有轉向既機會。見到黎個訊號,視乎市況及經驗,才考慮沽出。響黎個時候決定減持係良策,到正式要全面沽貨,MACD會出另一個訊號,就係筆者約一年前解釋過既「MACD由正變負」。
至於從DMI圖睇,上星期四才出現第一個Alert,確認了趨先線ADX升穿+DI(有人稱+DM或DMI+)。應開始注意走勢,正式危險訊號係隨著+DI及-DI距離拉近,出現交差為利淡。
小總結:即係話以圖黎睇,筆者上兩星期就開始續步減持,其實係早左。早左已係不變既事實,錯有錯著,睇見今日江銅既表現就慶幸早走。現下未知MACD重可以糾纏幾耐,+DI同-DI尚有距離,超利淡既訊號其實圖上未出。不過等埋確認利淡訊號,有辣有唔辣,可能會錯過小許升幅,亦有可能遲左而蝕多些少。筆者都唔太後悔早走左,只怪自己居然冇去仔細研究過圖先至行動。市場上既分析員,睇錯市,唔係罪,但係對圖表既認識只係比散戶強少許,然後發表偉論,係可恥!(講開又講,有位人稱X Sir既,乜鬼野都叫圓底、圓頂,係唔係都畫個孤出黎,真係直都變孿,筆者難以理解。)
順便回顧一下,響7月尾MACD圖出現第一個Alert,「預沽訊號」,即「牛熊沽貨訊號」(見[2])。隨即出現跌勢,到8月頭出現MACD正變負,隨後跌得更慘!冇耐,至8月中後期,出現第一個Alert,但係今次係好野,調轉黎講係「預買」訊號 (見[3])。然後唔夠幾個交易日就出現埋MACD負變正既確認利好訊號,之後大市就飛昇!圖表厲害之處由此可見。只因不學無術財經分析員將咁好既野活埋,將事實扭曲,令人誤解圖表係冇用。
唔怕你話筆者煩,筆者再重申:大行出口術,消息唔可信,圖表係誠誠實實地將交易記錄,作出分析。雖存在有心人可以做走勢陷阱,但點都有個譜,只要豐富自己既技術同經驗,不忘以基本分析配合,就可以睇穿,可以避過。圖表分析係無往而不利既工具!升萬唔好是旦跟人講圖表係騙人。
4 則留言:
好嘢!期待已久技術分析反嚟咯!
應該係返來咯!
信報老曹always says that the traditional line between bull & bear is blurred, we are entering an era of bull & bear dancing together. What do you think about that?
In light of that, should one apply technical analysis on individual stock versus the index for insight?
回應大地小侍衛:
想唔到係會有人為此而期待。感謝、感動。
發佈留言