07年美市壞趨勢多過好既。雖然匯豐同港府都分別對香港07經濟預測正面,前者今日更提升香港明年經濟增長預測。但大部份「西人機構」則認為07香港經濟升幅會放緩。
今年各大基金機構都o係港股錄得非常好既成績。標準普爾基金評鑑於十月公佈,股票基金組別入面,以香港股票基金表現最佳,平均回報率達8.15%。(其次係韓國股票基金同大中華股票基金,平均回報率分別係7.65%同5.54%。最把鬼係日本股票基金,錄得負回報率-2.78%)。
即係話基金公司去到第三季已經響港股做好晒功課。但係所謂基金公司要粉飾廚窗,的確要做,不過粉飾既係下年既廚窗。今年去到第三季已經做得咁好而明年佢地又冇睇得咁好,下年如果做得差過今年太遠,客人冇咁開心。但如果將今年一部份升幅撥去下一年,拉上補下既話呢...
所謂粉飾廚窗都有兩個方向做。投資要對短、中、長都抱有體會先能夠掌握市場行為同分析數據 (如減息都未必一定係好事)。
沒有留言:
發佈留言