大市Highlight

恆指於星期一選擇轉身起動，結果如筆者預測：若然起動要穿19,000水平，而19,200亦果然是關鍵位，恆指結果穿過19,100點，臨到19,131點乏力回軟。不過匯控之頹勢卻非所料。睇黎重可以穿140。中移動借配股消息炒落一下，應該好快回穩。

星期三恆指超高水70多點，是市況前境甚為明朗所致？當然唔係，係部份好友短線狹淡友，離場觀望美國數據及議息結果，還有部份淡友乘高位做淡。當然，當中有不少睇錯近日市勢既人被活埋 ！

筆者於星期日(12月3日)已表明，恆指上可試19,200，下可試穿50天線。如今50天線已上升至18,471點。但由於依家50天線離18,000點遠左，因跌穿50天線而反應過龍既機會大減。「升莫喜」首先完成，估計「跌莫悲」(即試50天線)隨之而黎既機會大。

筆者上個月已經預測十二月上半是牛皮市，且要試低位，是為震倉也好，計數也好。到目前為止，維持觀點不變。筆者亦維持星期日(12月3日)之預測，即恆指短期於19,200及50天線上落既睇法，在此區間，無任何方向可言。跟據筆者一直從散戶心態、大戶陰謀及資金流向等既大勢分析，維持牛市未完既睇法。跌莫悲、升莫喜，十二月上半期發生既野可以當睇唔到，持有正股者，若非近期麻木高追，根本唔使驚。

星期五美國公佈就業數據，多數唔好，失業多，新業都多 (利好利淡，要睇大戶「解讀」)。十二月十二日，聯儲局議息，市場人仕觀望。要到下週後期，大市先有更多方向。

中資金融股今週各奔前程，散戶喪炒熱情再見減退。受摩通、花旗唱好，建行稍為發過下癲，成交量唔算大。建、招、中、交今日皆跌，獨工行升，返回4.00水平。